Laurdag 9.november
Dørene opnar 20:00
Konsertstart 21:00
Aldersgrense: 18 år
Laudag 9.november spelar Andreas Rotevatn sitt spennande & nyskapande nye album «Av daude gror” på heimebane i Gymmen!
Fest eller flinkis, klubb eller kyrkje, håvamål eller autotune, alternativ pop eller tilgjengeleg jazz? Trombonist, komponist og artist Andreas Rotevatn gir deg alt samen, og alt midt i mellom.
Live får publikum oppleve musikk som er energisk, suggererande og framført av 5 av dei fremste live-musikarane i landet! I arbeidet med musikken, hadde Rotevatn ein tanke om å lage noko som var – tilgjengeleg, men med djupn – avansert, men samstundes catchy – guilty pleasure for musikkeliten, men òg ei kjensle av aquired taste for den gjengse lyttar Rett og slett ein form for musikk som både kan gje lyttaren dansefot på konsert, og ei kjenslelada indre reise!
Bio
Andreas Rotevatn er ein kløyvd artist, som stend stødig i det todelte På den eine sida har han ein bygdeoppvekst på Nordfjordeid, og på den andre over 10 år som kunstnar i storbyen. Rotevatn nærer ein kjærleik for bruksmusikk og det dansbare, trass i ei omfattande utdanning på fleire eliteskular for musikk. Ein spellemannsnominert og prisvinnande komponist, som jamvel òg har brei apell og gode strøymetal. Ein dag høyrer han på Miles Davis og Stravinskij, hin dagen er det Avicii og Michael Jackson. Rotevatn er tekstleg inspirert av fortida, gjennom Håvamål, Ivar Aasen og Bibelen, men samstundes vert han inspirert av moderne og lydar frå synthar og trommemaskiner. Det akustiske og improviserte, møter det elektriske og planlagde. Einkvan stad i midten, i symbiosa, der trivast Rotevatn best!
